Եվրահանձնաժողովն ընդունել է արեւմտյան Միջերկրական ծովում եւ Ատլանտիկայում անօրինական միգրացիայի դեմ պայքարի գործողությունների նոր ծրագիր: Այս մասին ասվում է Եվրահանձնաժողովի կողմից երեքշաբթի հրապարակված փաստաթղթում:
«Միգրանտների հոսքը կայուն է մնում․․․Եվրահանձնաժողովը ներկայացնում է գործողությունների սույն ծրագիրը՝ համաձայն 2023 թվականի փետրվարի 9-ին ԵՄ Խորհրդի կողմից ընդունված որոշումների»,-ասվում է փաստաթղթում։
Հյուսիսային եւ Արեւմտյան Աֆրիկայից Եվրոպա անօրինական միգրացիային հակազդելու միջոցառումների նոր համալիրը ներառում է մարդկանց մաքսանենգության դեմ պայքարը, Եվրամիության արտաքին սահմանների անվտանգության Frontex գործակալության սահմանային վերահսկողության ուժեղացումը եւ այն երկրների հետ փոխգործակցության ամրապնդումը, որտեղից Եվրոպա են փորձում ներթափանցել ամենաշատ միգրանտները: