Ես այդ մասով արդեն դիմել եմ իրավապահներին: Այս մասին այսօր՝ հունիսի 9-ին, դատարանի մոտ լրագրողների հետ զրույցում նշեց Նիկոլ Փաշինյանի որդին՝ Աշոտ Փաշինյանը, անդրադառնալով նրան, որ իրեն առեւանգելու միջադեպի ժամանակ, երբ ինքը դուրս է նետվել ավտոմեքենայից, իրեն հարվածել է «Տոյոտա Քեմրի» ավտոմեքենան, որը պատկանում է զոհված զինծառայող Մխիթար Գալեյանի հորը՝ Գարիկ Գալեյանին:
«Այս գործն անջատվել է այն մեծ գործից, որը պարունակում է այդ հանգամանքը: Ես շարունակում եմ պնդել այն, ինչն արդեն ասել եմ եւ որեւիցե ավելացնելու, առավել եւս, պակասեցնելու բան չունեմ: Այդ գործը այս պահին շարունակվում է»,-ասաց նա:
Դիտարկմանը, որ կասկածներ կան, որ գուցե գործարք է տեղի ունեցել Գայանե Մարտիրոսյանի հետ, կամ գուցե ճնշումներ նրա նկատմամբ, որ այսպիսի հանգուծացուլուծում լինի, Աշոտ Փաշինյանն ասաց. «Ոչ մի նման խոսակցություն չի եղել տիկին Գայանեի հետ: Այստեղ գործարքի բան չկա: Այն, ինչը տեղի ունեցավ այս նիստի ընթացքում եւ կայացված վճիռը աքսիոմատիկ ճշմարտությունների շարունակություն են: Որեւիցե պյմանավորվածություններչի կարիք չկար: Գայանե Մարտիրոսյանի ցանկությամբ է նիստը փակ եղել, այնտեղ հանգամանքներ կան, որ նա չի ցանկանում լիներ հրապարակային»:
Նշենք, որ վարչապետի որդու «առեւանգման գործով» դատարանը Գայանե Մարտիրոսյանին դատապարտվեց 4 տարվա ազատարկման, սակայն պատիժը պյմանականորեն չկիրառվեց:
Հիշեցնենք` մայիսի 17-ին տեղեկություն տարածվեց, թե «Որդիների կանչ» ՀԿ–ի անդամները փորձել են առևանգել վարչապետի որդուն։ Վերջինս հաղորդում էր ներկայացրել ոստիկանություն, որից հետո ՀՀ քննչական կոմիտե քրեական գործ հարուցեց մարդուն առևանգելու հոդվածով, կալանավորվեց մեկ անձ` զոհված զինծառայող Ժորա Մարտիրոսյանի մայրը` Գայանե Մարտիրոսյանը։
Հունիսի 5-ին հայտնի դարձավ, որ զոհված զինծառայողի մոր խափանման միջոցը փոխվել է, ընտրվել է տնային կալանքը։ Սակայն նույն օրը Երևանի ընդհանուր իրավասության քրեական դատարանի դատավոր Մանվել Շահվերդյանը որոշեց տնային կալանքը փոխարինել 1 ամիս 15 օր կալանքով։
Նշենք, որ գործով նախաքննությունը բավականին կարճ է տևել։ Գործը Երևանի ընդհանուր իրավասության դատարանի դատավոր Մանվել Շահվերդյանի վարույթում էր: