Թուրքիայի պաշտպանության նախարար Իսմեթ Յըլդըզը հոկտեմբերի 12-ին, կայցելի Ադրբեջան: Այս մասին հաղորդում է APA-ն` վկայակոչելով Թուրքիայում իր զինվորական աղբյուրները:
Այցելության շրջանակում, նախատեսվում է Յըլդըզի հանդիպումը Ադրբեջանի պաշտպանության նախարար Սաֆար Աբիեւի, պաշտպանական արդյունաբերության նախարար Յավեր Ջամալովի, Պետական սահմանային ծառայության պետ Էլչին Գուլիեւի, ինչպես նաեւ այլ զինվորական կառույցների ղեկավարների հետ:
Հանդիպումներում կքննարկվեն երկու երկրների միջեւ ռազմական եւ ռազմատեխնիկական ոլորտներում համագործակցության հարցերը: