Հնդկաստանում հարսնացուն չեղարկել է իր հարսանիքն այն բանից հետո, երբ նրա նշանածը չարաշահել է ալկոհոլը, հայտնում է Times of India-ն:
Ջայմալայի ավանդական արարողության ժամանակ հարսնացուն նկատել է, որ իր նշանածը հարբած վիճակում է։ Աղջիկը հրաժարվել է մասնակցել միջոցառմանը և չեղարկել հարսանիքը։
Երիտասարդ զույգի հարազատների միջև տեղի ունեցածից հետո կոնֆլիկտ է սկսվել՝ հարսանիքի վրա ծախսված գումարի շուրջ։ Աղջկա ընտանիքը դիմել է ոստիկանություն և հայտնել դեպքի մասին։
Իրավապահները փեսային պարտավորեցրել են վերադարձնել ամուսնության վրա ծախսված գումարն ու նրան բաց թողել։