Սերբական Հանրապետության (Բոսնիա եւ Հերցեգովինայի կազմում) նախագահ Միլորադ Դոդիկը հայտնել է, որ մինչեւ տարեվերջ բոսնիացի սերբերը կարող են հանրաքվե անցկացնել հանրապետության կարգավիճակի վերաբերյալ:
«Կարծում եմ, որ մինչեւ Ամանոր Սերբական Հանրապետությունում կարող էր հանրաքվե անցկացվել կարգավիճակի հետ կապված ամենակարեւոր հարցերի շուրջ, ինչպես նաեւ այն մասին, թե որ ուղղությամբ պետք է շարժվել»,-Դոդիկի խոսքը մեջբերում է սերբական «Պոլիտիկա» թերթը:
Նա նշել է, որ չի ցանկանում որեւէ բախում, իսկ ՆԱՏՕ-ի դերը Բոսնիա եւ Հերցեգովինայում տեսնում է խաղաղության ապահովման մեջ: