Հուլիսի 9-ին թուրքական կողմի նախաձեռնությամբ հեռախոսազրույց է կայացել ՌԴ ԱԳՆ ղեկավար Սերգեյ Լավրովի և Թուրքիայի արտգործնախարար Հաքան Ֆիդանի միջև, տեղեկացնում է Ռուսաստանի ԱԳՆ մամուլի ծառայությունը։
«Կողմերը կարծիքներ են փոխանակել տարածաշրջանի օրակարգի վերաբերյալ՝ շեշտադրելով Ուկրաինայի շուրջ վերջին իրադարձությունները, ներառյալ Ստամբուլից Կիև «Ազովի պարագլուխների» վերադարձից առաջացած իրավիճակը։ Անկարայի ուշադրությունն ուղղված է եղել Կիևի ռեժիմին ռազմական տեխնիկա մատակարարելու գործընթացի ապակառուցողականությանը։ Այդպիսի քայլերը, ինչպես ընդգծվել է, կարող են միայն բացասական հետևանքների հանգեցնել։
Նախարարները վերահաստատել են Մոսկվայի և Անկարայի միջև հարաբերությունների վստահելի բնույթը պահպանելու և ամրապնդելու անհրաժեշտությունը՝ նախագահներ Պուտինի և Էրդողանի սկզբունքային պայմանավորվածությունների հիման վրա։
Շոշափվել են նաև հետագա փոխգործակցության հեռանկարներն այն հարցերում, որոնք վերաբերում են գլոբալ պարենային անվտանգությանն այն պայմաններում, երբ արևմտյան պետություններն անընդունակ են քայլեր ձեռնարկել ՄԱԿ-ի գլխավոր քարտուղարի հայտնի «փաթեթային նախաձեռնությունը» իրականացնելու համար։
Քննարկվել են ռուս-թուրքական երկկողմանի համագործակցության այլ հայեցակետեր, այդ թվում՝ առաջիկա շփումների գրաֆիկը»,- նշվում է ՌԴ ԱԳՆ հաղորդման մեջ։
