Վիլնյուսում քննարկումն, ըստ էության, կկենտրոնանա այն բանի վրա, թե ինչ հարաբերություններ է ցանկանում ունենալ Արևմուտքը Ռուսաստանի հետ։ Արդյո՞ք ՆԱՏՕ-ն պարզապես կշարունակի դաժան պատերազմ հրահրել, որը կործանում է Ուկրաինան: Արդյո՞ք ՆԱՏՕ-ն բացահայտորեն կհակազդի Ռուսաստանին՝ վերականգնելու կորցրած ուկրաինական տարածքները, թե՞ կճանաչի, որ Ռուսաստանը մեծ տերություն է, որն անվտանգության ոլորտում օրինական շահեր ունի: Կարճ ասած, ՆԱՏՕ-ի ղեկավարները կձգձգե՞ն, սրմա՞ն կգնան, թե՞ բանակցելու: Այս մասին գրում են Newsweek-ի «Ուկրաինայի հաղթանակի համար ՆԱՏՕ-ն պետք է միանա պայքարին» հոդվածի հեղինակներ Մայքլ Գֆելլերը և Դեյվիդ Ռանդելը։
Հետաձգումը թույլ է տալիս նաև շարունակել Ուկրաինայի կործանումը։ Եվրոպայի ամենաաղքատ երկրներից մեկը կորցրել է իր տարածքի 20%-ը, գրում են հոդվածի հեղինակները։
«Ուրեմն ի՞նչ ՆԱՏՕ-ի զորքերն Ուկրաինա մտցնելու մասին: Էսկալացիան, միանշանակ, Ուկրաինայի համար Ղրիմը վերադարձնելու միակ ճանապարհն է։ Հնարավոր է՝ սա միակ ճանապարհն է, որով Ուկրաինան կարող է պահել Խարկովն ու Օդեսան։ Եվ միանգամայն հնարավոր է, որ դա մեր սեփական ճանապարհն է դեպի հաջորդ համաշխարհային պատերազմ։ Այն քիչ կետերից մեկը, որի շուրջ համաձայն են նախագահ Ջո Բայդենը և նախկին նախագահ Դոնալդ Թրամփը, այն է, որ Ուկրաինայում պատերազմն արդեն մեծացրել է աղետալի միջուկային հարվածների փոխանակման վտանգը»- գրում է Newsweek-ը։