Երկուշաբթի՝ հուլիսի 17-ին, Մոսկվայի արևելքում Ուզբեկստանից 15 միգրանտներ զանգվածային ծեծկռտուք են կազմակերպել՝ դանակահարությամբ։ Այս մասին հայտնում է ТАСС-ը՝ իրավապահ մարմինների աղբյուրին հղումով։

Միջադեպի հետևանքով տուժել է երեք մարդ։ Ոստիկանությունը բերման է ենթարկել ծեծկռտուքի հինգ մասնակցի, որոնցից մեկը ՌԴ քաղաքացի է։ Արտակարգ դեպքի վայրում հայտնաբերվել է ծեծկռտուքի մասնակիցների դանակն ու ավտոմեքենան, որոնողական աշխատանքներ են իրականացվում։

Արտակարգ դրության փաստով հարուցվել է քրեական գործ՝ դիտավորությամբ միջին ծանրության մարմնական վնասվածք հասցնելու դեպքի առթիվ և կազմվել են արձանագրություններ՝ մանր խուլիգանության դեպքի առթիվ։