Ոստիկանությունը հատուկ միջոցներ է կիրառում Կառավարության շենքի առջեւ: Այժմ իրավիճակը լարված է: Կադրերում երեւում է, որ ոստիկանական ուժերը նաեւ լուսաձայնային նռնակ են կիրառում քաղաքացիների դեմ, լսվում են նաեւ պայթյունի ձայներ:
Նշենք, որ Կառավարության մոտ հավաքված քաղաքացիները պահանջում են Նիկոլ Փաշինյանի հրաժարականը: Տարածքում մեծաքանակ ոստիկանական ուժեր են կուտակված։ Ոստիկանները քիչ առաջ վահաններով զինված մի քանի շարքով պատ կազմեցին կառավարության շենքի մուտքի դիմաց։
Հիշեցնենք, որ այսօր՝ 13:00-ից ադրբեջանական կողմը լայնածավալ հարձակման է անցել Արցախի դեմ: Կան մի քանի տասնյակ զոհեր եւ վիրավորներ: Ստեփանակերտում պարբերաբար միանում է օդային տագնապի ազդանշանը:
