նախընտրելի դարձնելԱդրբեջանի պետական անվտանգության ծառայությունը տեղեկատվություն է տարածել Լեռնային Ղարաբաղի Հանրապետության նախկին նախագահներ Բակո Սահակյանի և Արկադի Ղուկասյանի, ինչպես նաև խորհրդարանի նախկին նախագահ Դավիթ Իշխանյանի ձերբակալության մասին։
Ինչպես հաղորդում է APA-ն, երեքն էլ մեղադրվում են զինված խմբավորումների կազմակերպմանն ու ստեղծմանը մասնակցելու, ահաբեկչության ֆինանսավորման, Ադրբեջանի տարածքում ահաբեկչական հարձակումներ իրականացնելու նպատակով վարժանքների անցկացման և այլնի մեջ։
Լեռնային Ղարաբաղի Հանրապետության նախկին ղեկավարները սեպտեմբերի 19-20-ին տեղի ունեցած ագրեսիայից հետո ձերբակալվել են Ադրբեջանի անվտանգության ուժերի կողմից։ Լեռնային Ղարաբաղի ողջ բնակչությունը, հաշված օրերի ընթացքում, թողնելով իր տունն ու ունեցվածքը, տեղափոխվեց Հայաստան։ Տարբեր գնահատականներով՝ Լեռնային Ղարաբաղում մնացել է 15-ից 40 հայ, հիմնականում մարդիկ, ովքեր դեռ հույս ունեն գտնել իրենց անհայտ կորած հարազատներին։
