Իսպանիայի նախկին թագավոր Խուան Կառլոսը շահել է իր նախկին սիրուհու 154 միլիոն դոլարի հայցով դատը, հայտնում է Reuters-ը։
Հայցը ներկայացվել է 85-ամյա նախկին միապետի դեմ՝ 2012 թվականից նրա սիրուհի Կորինա ցու Սայն-Վիտգենշտեյն-Սայնի նկատմամբ սպառնալիքներ կազմակերպելու, հետապնդելու և ահաբեկելու մեղադրանքով։ Նախկին միապետը դատարանին խնդրել է դադարեցնել այդ գործը՝ պնդելով, որ իրենք ապացույցներ չունեն իրեն ոտնձգությունների մեջ մեղադրելու համար:
«Խուան Կառլոսը կտրականապես հերքում է, որ երբևէ ոտնձգություն է կատարել Սայն-Վիտգենշտեյնի հանդեպ», - պնդել է փաստաբանը դատական նիստում:
Ուրբաթ օրը՝ հոկտեմբերի 6-ին, դատավոր Ռովենա Քոլինզ Ռայսը նրա օգտին վճիռ է կայացրել՝ հայտարարելով, որ Սայն-Վիտգենշտեյնի հայցը ողջամիտ հիմքերչի պարունակում մեղադրանք առաջադրելու համար:
