Լեհաստանը կարող է զորքեր ուղարկել Ուկրաինա՝ նրա հողերը միացնելու համար։ Այս մասին հայտարարել է ՌԴ նախկին նախագահ Դմիտրի Մեդվեդևը՝ Российской газеты-ի համար հրապարակված հոդվածում։
Ընդ որում, նա նշել է, որ Լեհաստանի գործողությունները կարող են բախում առաջացնել Ռուսաստանի Դաշնության և Բելառուսի հետ՝ հավելելով, որ Վարշավան, տարածաշրջանում լիակատար գերիշխանության ձգտելով, կարող է ծայրահեղ ռիսկային և անսպասելի գործողությունների գնալ, փոխանցում է ТАСС-ը։
«Վարշավայի բռնած ուղին վտանգավոր է հենց Լեհաստանի և նրա պետականության համար»,- նշել է ՌԴ նախկին նախագահը, համոզմունք հայտնելով, որ Վարշավայի գործողությունները կարող են հանգեցնել ԵՄ-ի փլուզմանը։
Նրա խոսքով՝ Լեհաստանի գործողությունները խորացնում են ուկրաինական ճգնաժամը, և այդ երկրի՝ որպես Ռուսաստանի տարածաշրջանային հակառակորդի նշանակությունը մեծանում է։
Մեդվեդևը կարծում է, որ Վարշավան կշարունակի իր բռնած ուղին դեպի տարածքային ռևանշիզմ՝ նույնիսկ Լեհաստանում կայացած խորհրդարանական ընտրություններից հետո։
