Ադրբեջանի ԱԳՆ-ն դժգոհ է ֆրանսիական Bastion զրահամեքենաների Հայաստան առաքման պատճառով։
Բաքվում կարծում են, որ Ֆրանսիայի այդ քայլերը «լրջորեն կասկածի տակ են դնում տարածաշրջանում հարաբերությունների կարգավորման ջանքերը՝ պետությունների փոխադարձ ճանաչման, ինքնիշխանության, տարածքային ամբողջականության եւ միջազգային սահմանների հարգման ուղղությամբ եւ ծառայում են իրավիճակի սրմանը»։
Բաքուն Փարիզին մեղադրել է «Ադրբեջանի դեմ զրպարտչական քարոզչության եւ ապակառուցողական գործունեության մեջ»։ «Այդ քայլերը ծառայում են Հայաստանի ռազմականացման քաղաքականությանը եւ վկայում են այն մասին, որ Ֆրանսիան տարածաշրջանում առաջնորդվում է սխալ շահերով, Հայաստանը եւ Ֆրանսիան պետք է վերջ դնեն ռազմականացման քաղաքականությանը տարածաշրջանում»,- հայտարարել է Բաքուն։
Նշենք, որ հայկական կողմը մինչ այժմ պաշտոնապես մանրամասներ չի ներկայացրել Հայաստան ֆրանսիական պաշտպանական սարքավորումների առաքման մասին։
