Դա մի ուղղություն է, որի հետ կապված ես շատ դրական տրամադրվածություն ունեմ, որովհետեւ այդ արժեքները՝ ժողովրդավարությունը, մարդու իրավունքները, խոսքի ազատությունը, կարծում եմ՝այն հիմնարար սկզբունքներն են, որոնք, ինձ համար անկեղծ անսպասելի, բայց այսօր հանդիսացան մեր երկրի անվտանգային համակարգը: Այս մասին, այսօր՝ նոյեմբերի 22-ին, ԱԺ-ում լրագրողների հետ ճեպազրույցում հայտնեց ԱԺ նախագահ Ալեն Սիմոնյանը՝ անդրադառնալով հարցին,թ ե արդյոք իրատեսական համարում է Հայստանի եվրաինտեգրումը:
«Ոչ ոք չի կարող ժխտել, որ երբ, օրինակ, մեր գործընկերները աբսուրդի հասնող հայտարարություններ էին անում.. երբ օրինակ, Ադրբեջանը ԼՂ-ի նկատմամբ լայնածավալ 15 կողմից հարձակում էր սկսել, մեր դաշնակիցը հայտարարում էր՝ կոչ ենք անում Հայաստանին եւ Ադրբեջանին դադարեցնել կրակը: Դրանով ցանկանում էին Հայաստանին կողմ դարձնել: իսկ մենք տեսնում ենք, որ այլ տեղերից հասցեական հայտարարություններ եւ զսպում կար այդ գործողությունների ժամանակ»,- ասաց նա:
