Իսրայելի Պաշտպանության բանակը (ՑԱԽԱԼ) պատասխան հարվածներ է հասցնում Լիբանանի տարածքին, որտեղից արկեր են արձակվել հրեական պետության հյուսիսի բնակավայրերի ուղղությամբ։ Այս մասին տեղեկացրել է բանակի մամուլի ծառայությունը։
«Գրանցվել են մի շարք արձակումներ Լիբանանի կողմից ՑԱԽԱԼ-ի հրետանին հարվածներ է հասցնում այնտեղ, որտեղից կատարվել էին արձակումները»,- նշվել է հայտարարությունում։
Հինգշաբթի առավոտյան բանակի մամուլի ծառայությունն արդեն երեք անգամ տեղեկացրել է օդային տագնապի ազդանշանների գործադրման մասին Իսրայելի հյուսիսի բնակավայրերում։
Զինվորականները նաեւ տեղեկացրել են, որ առավոտյան իսրայելական ինքնաթիռը «գրոհել է հակատանկային հրթիռների դեմ» Լիբանանի հետ սահմանին։ «ՑԱԽԱԼ-ի զինծառայողները հարվածներ են հասցրել հրետանու ջոկատին»,- ավելացրել են մամուլի ծառայությունում։
Գիշերը Լիբանանից իսրայելական ինքնաթիռի դեմ «երկիր-երկինք» դասի հրթիռ է արձակվել, այն հաջող որսացել են ՀՕՊմիջոցները, նշել են զինվորականները։ «Ի պատասխան՝ ՑԱԽԱԼ-ի ավիացիան գրոհել է կայանքի դեմ, որից արձակվել էր հրթիռը»,- նշել են բանակի մամուլի ծառայությունում։
