ՌԴ նախագահի օգնական Յուրի Ուշակովն ակնկալում է, որ ՀՀ վարչապետ Նիկոլ Փաշինյանը դեկտեմբերին Սանկտ Պետերբուրգում կմասնակցի Անկախ Պետությունների Համագործակցության (ԱՊՀ) և Եվրասիական տնտեսական միության (ԵԱՏՄ) գագաթնաժողովներին, հայտնում է ТАСС-ը։
«Ես կարծում եմ, որ (Հայաստանի ներկայացուցիչները) կգան Սանկտ Պետերբուրգ։
Տեղի կունենա ԱՊՀ երկրների ղեկավարների ոչ պաշտոնական ավանդական հանդիպումը և կլինի ԵԱՏՄ պաշտոնական հանդիպումը։ Ի դեպ, այս հանդիպման ժամանակ Ռուսաստանից հետո նախագահում է Հայաստանը, ուստի կարծում եմ, որ Փաշինյանը կգա էստաֆետը Վլադիմիր Պուտինից վերցնելու»,- լրագրողներին ասաց Կրեմլի ներկայացուցիչը։
