Փարիզում գրադարաններից Ալեքսանդր Պուշկինի հազվադեպ հրատարակությունների գողության մեղադրանքով ձերբակալվել է երեք վրացի, տեղեկացրել է Journal du Dimanche պարբերականը։

Հայտնի է, որ ձերբակալվել են մեկ տղամարդ եւ երկու կին, որոնք 24, 26 եւ 44 տարեկան են։ Նրանք տարվել են Փարիզի Նանտեր արվարձանի Արվեստի ստեղծագործությունների անլեգալ վաճառքի դեմ պայքարի կենտրոնական բյուրո։

Քննության կարծիքով՝ ձերբակալվածները միջազգային հանցավոր խմբի մասնակիցներ են, որոնք մասնագիտացած են արվեստի գործերի եւ հազվագյուտ մատենագիտական նմուշների գողության մեջ։

Առաջին գողությունը Ֆրանսիայում, քննության տվյալներով, խումբը կատարել է հուլիսին. Լիոնի գրադարանում բնօրինակը փոխարինվել է պատճենով։ Հոկտեմբերին երկու մարդ թափանցել է  Լեզուների եւ քաղաքակրթությունների ազգային ինստիտուտ, վերցրել մի քանի գրքեր եւ ձեռագրեր եւ փախուստի դիմել մեքենայով, որտեղ նրանց սպասում էր հանցակիցը։

Հայտնի է նաեւ Պուշկինի ձեռագրերի, ինչպես նաեւ Գոգոլի եւ Լերմոնտովի հազվադեպ հրատարակությունների գողության մասին Լիտվայում, Վիլնյուսի համալսարանի գրադարանից։ Նոյեմբերի սկզբին կասկածյալը՝ 38-ամյա տղամարդը, ձերբակալվել էր Բելգիայում։ Նա, ենթադրվում է, կապված է եղել Ֆրանսիայի հանցակիցների հետ, տեղեկացրել է «Новости-Грузия»-ն։