![](img/news/79/48/77/default.jpg)
Առնվազն տասնմեկ մարդ է զոհվել Ռուսաստանի Դաշնության հետ սահմանակից Չինաստանի հյուսիսարևելյան Հեյլունցզյան գավառի ածխահանքերից մեկում տեղի ունեցած վթարի հետևանքով, հայտնում է Չինաստանի Կենտրոնական հեռուստատեսությունը։
Հաղորդվում է, որ միջադեպը տեղի է ունեցել երեքշաբթի տեղական ժամանակով ժամը 14.40-ին Հեյլունցզյան Լոնգմեյ Շուանգյաշան Մայնինգ հանքավայրում: Նախնական տվյալներով՝ մահվան պատճառը եղել է քարերի փլուզումը։
Տեղական ժամանակով ժամը 18.20-ի դրությամբ (Մոսկվայի ժամանակով 13.20-ին) արտակարգ իրավիճակների վայրում ավարտվել են որոնողափրկարարական աշխատանքները։ Դեպքի ստույգ պատճառներն ու մանրամասները դեռ չեն հաղորդվում, կատարվում է հետաքննություն։