Առաջիկա մի քանի տարիների ընթացքում ավելի քան 10 երկիր կսկսի միջուկային աղբյուրներից էլեկտրաէներգիա արտադրել, երեքշաբթի ասել է Ատոմային էներգիայի միջազգային ասոցիացիայի (ՄԱԳԱՏԷ) գլխավոր տնօրեն Ռաֆայել Մարիանո Գրոսին, փոխանցում է Reuters-ը։
Ըստ ՄԱԳԱՏԷ-ի հաշվարկների՝ Փարիզի կլիմայական համաձայնագրի նպատակներին հասնելու համար անհրաժեշտ է կրկնապատկել աշխարհում միջուկային ռեակտորների թիվը՝ ներկայումս դրանց թիվը մոտ 400-ն է, ասել է Գրոսին՝ Փարիզում կայացած Միջուկային համաշխարհային ցուցահանդեսում։
«Մենք արդեն ունենք 10 երկիր, որոնք մտել են որոշումների ընդունման փուլ (ատոմակայաններ կառուցելու համար) և ևս 17 երկրներ, որոնք գտնվում են գնահատման գործընթացում»,- ասաց նա։
«Մի քանի տարվա ընթացքում կլինեն մեկ տասնյակ կամ 13 (նոր) միջուկային երկրներ»,- հավելել է նա։
Որպես պոտենցիալ նոր միջուկային երկրներ Գրոսսին նշել է Գանան, Քենիան, Մարոկկոն, Նիգերիան, Նամիբիան, Ֆիլիպինները, Ղազախստանը և Ուզբեկստանը:
