News
Լրահոս
News
Երեքշաբթի
Փետրվար 27
Տեսնել լրահոսը

Նոյեմբերի 26-ին ՆԳՆ ոստիկանության Արագածոտնի մարզի օպերատիվ կառավարման կենտրոն հաղորդում էր ստացվել, որ Ագարակ համայնքի վարչական տարածքի չգործող քարհանքից տրակտորներ են գողացել:

Ոստիկանությունից NEWS.am-ին հայտնում են, որ ՆԳՆ ոստիկանության Աշտարակի բաժնից օպերատիվ խումբ, ինչպես նաև պարեկային ծառայության կարգախումբ է մեկնել նշված վայր: Պարզվել է, որ նոյեմբերի 25-ի ժամը 19.00-ից նոյեմբերի 26-ի ժամը 18.15-ն ընկած ժամանակահատվածում գողացել են չգործող քարհանքի երկու անսարք տրակտորները:

Արագածոտնի մարզային քննչական վարչությունում նախաձեռնվել է քրեական վարույթ:

ՆԳՆ ոստիկանության Աշտարակի բաժնի քրեական հետախույզները ձեռնարկած օպերատիվ-հետախուզական միջոցառումների արդյունքում պարզել են, որ գողությունը կատարել են 25-ամյա, 24-ամյա և 41-ամյա երեք տղամարդիկ՝ նորխարբերդցի 41-ամյա տղամարդու «Մերսեդես» մակնիշի ավտոտարհանիչ-մանիպուլյատոր և երևանցի 24-ամյա երիտասարդի «Քեմրի» մեքենաներով:

Նոյեմբերի 27-ին նրանք ձերբակալվել և տարվել են ոստիկանության Աշտարակի բաժին, որտեղ երևանցի երիտասարդները խոստովանել են, որ նոյեմբերի 26-ի ժամը 17-ի սահմաններում քարհանքի տարածքից գողացել են երկու անսարք տրակտոր, որոնք այնուհետև 900 000 դրամով հանձնել են Արգավանդ համայնքի Կենտրոնական փողոցի մետաղների ընդունման կետ:

«Մերսեդես» ավտոտարհանիչ-մանիպուլյատոր և «Քեմրի» մեքենաները տեղափոխվել են ոստիկանության Աշտարակի բաժնի հատուկ պահպանվող տարածք:

Կազմված փաստաթղթերը և երեք տղամարդիկ ներկայացվել են Արագածոտնի մարզային քննչական վարչություն:

Կատարվում է նախաքննություն: Հանգամանքները պարզվում են:

Տպել
Կարդացեք նաև
Ամբողջը
Լեւոն Քոչարյանի եւ Սերգեյ Ասատուրովի մեղադրանքը պաշտպանող դատախազը չի հեռացվի վարույթից
Մերժվեց գործով մեղադրող դատախազ Արթուր Դանիելյանին վարույթից հեռացնելու մասին փաստաբանների միջնորդությունը…
«Փաստերը ինձ լուրջ չթվացին». Անահիտ Ավանեսյանը մտավախություն չունի, որ հաջորդ մեղադրանքն իրեն կարող է առաջադրվել
Մհեր Բիշարյանի պաշտոնավարումը կասեցված է, ուրախ եմ, որ դատարանը որոշում...
ՉԷՄԿ սեփականատեր Անտիպովին ձերբակալել են խարդախության կասկածանքով. մինչ այդ ազգայնացրել են նրա գործարանը
Չելյաբինսկում ուժայինները ձերբակալել են Յուրի Անտիպովին...
«Ինձ ծեծող ոստիկանները նստած են այնտեղ, իսկ ես՝ այստեղ. ձեւական նիստ է». Լեւոն Քոչարյան
Ասատուրովի գործով նախնական դատական նիստին կարճ դիրքորոշում հայտնեցին…
Արցախում պայթյունից տուժած միայն մեկ երեխա է, որ բուժումը շարունակում է ԱՄՆ-ում. Ավանեսյան
Լեռնային Ղարաբաղում տեղի ունեցած պայթյունի հետևանքով արտերկիր բուժման մեկնած հիվանդների մեծ մասը վերադարձել է...
«Լեւոն Քոչարյան, Աշոտ Փաշինյան եւ նույն դատախազը. ինչպե՞ս է ստացվում». փաստաբանը բացարկ է հայտնում դատախազին
Ինչպե՞ս ստացվեց, որ Արթուր Դանիելյանը ընտրվեց Լեւոն Քոչարյանին մեղադրող դատախազ…
Ամենաշատ