Yandex Go-ն ամփոփում է «Առատաձեռն նոյեմբեր» ակցիան, որի նպատակն է աջակցել Հայաստանի բարեգործական կազմակերպություններին՝ «VIVA», «Շտապիր դեպի բարին», «Ժպիտների քաղաք» և «Հայ մայրեր»։
Ակցիային կարող էր մասնակցել Yandex Go հավելվածով մեքենա պատվիրող ցանկացած օգտատեր։ Բավական էր նոյեմբեր ամսվա ուրբաթ օրերին ցանկացած ժամի գոնե մեկ ուղևորություն կատարել Հայաստանի ցանկացած քաղաքում:
Որքան երկար երթուղի և շատ ուղևորություն, այնքան մեծ ներդրում. հաշվի են առնվել ինչպես օգտատերերի սեփական ուղևորությունները, այնպես էլ ընկերների, ծանոթների և բարեկամների համար պատվիրված ուղևորությունները։ Ակցիայի շրջանակում ուղևորությունների յուրաքանչյուր 10 կմ-ի համար ծառայությունն իր հաշվից 5 դրամ է նվիրաբերել: Ակցիայի չորս օրերի ընթացքում հավաքված գումարը Yandex Go-ն համալրել է հավելյալ նվիրատվությամբ։ Ընդհանուր առմամբ, բարեգործական կազմակերպություններին կփոխանցվի 3 մլն դրամ:
«Շնորհակալություն ենք հայտնում բոլոր նրանց, ովքեր միացել են այս նախաձեռնությանը. միասին մենք կառուցում ենք լուսավոր ապագա նրանց համար, ովքեր մեր հոգածության կարիքն ունեն: Ստացված միջոցներով մենք կկարողանանք ոչ միայն բժշկական օգնություն տրամադրել մեր խնամակալության տակ գտնվող անձանց, այլև կյանքի դժվարին պայմաններում հայտնված ընտանիքներին աջակցություն ցուցաբերել հոգեբանության և կրթության ոլորտներում»,-ասում է «Շտապիր դեպի բարին» բարեգործական հիմնադրամի նախագահ Ելենա Հակոբյանը։
«Մենք ուրախ ենք Yandex Go-ի հետ մեր շարունակական համագործակցության համար։ Նման նախաձեռնությունների շնորհիվ օնկոլոգիական եւ արյունաբանական հիվանդություններով ավելի շատ երեխաներ կկարողանան բուժօգնություն ստանալ»,-նշում է «Ժպիտների քաղաք»-ի դոնորների հետ կապի եւ դրամահավաքի մենեջեր Սեդա Քոսակյանը։
