News
Լրահոս
News
Կիրակի
Մարտ 03
Տեսնել լրահոսը


Սիրելի քաղաքացիներ, ես ներողություն եմ խնդրում, որ դուք անընդհատ ականատես եք լինում ինչ-որ ջղաձգումների մարդկանց կողմից, որոնք ներկայացնում են մի քաղաքական ուժ, որը իր բնույթով հպատակության, ստրկության մի յուրահատուկ ցուցիչ է ու պատմական ցուցանմուշ: Այս մասին, այսօր՝ դեկտեմբերի 5-ին, ԱԺ հայտարարությունների ժամանակ ասաց ՔՊ խմբակցության պատգամավոր Վահագն Ալեքսանյանը:

«Ես շատ լավ եմ հիշում, որ 2013-ին, օրինակ, իմ, որպես ՀՀ պարզապես քաղաքացու արժանապատվությունը, որպես մի պետության քաղաքացու, որը տարիներ շարունակ բանակցություններ էր վարում եվրաինտեգրման շուրջ, ուղղակի մի գիշերում ինչ-որ մեկը, ըստ երեւույթին Բադեն-Բադենից խումհարի մեջ մնացած, գնաց ու մի գիշերում որոշեց, որ պետք է եվրաինտեգրման վեկտորը փոխի դեպի ԵԱՏՄ ինտեգրում:

Չար լեզուներն ասում են, խորհուրդ եմ տալիս չհավատալ այդ չար լեզուներին, որ դրան նախորդել է վզակոթին մի հարված: Ես իրատեսական չեմ համարում այդ կանխավարկածը»,-ասաց նա:

«Ես հիշում եմ, որ երբ պատգամավոր չէի, ՀՀ քաղաքացի էի, ինչ նվաստացուցիչ էր ինձ համար, որ իմ երկրի՝ այդ նույն պերսոնաժի պատգամավորները, իմ երկրի ԱԺ պատգամավորները արդարացնում էին էդ «Ռոսիա 24»-ի պետության կողմից Ադրբեջանին զենքի մտակարարումները՝ ասելով, որ դա ընդամենը բիզնես է:

Հիշեցնեմ, որ նրանք նման կերպ փորձում էին արդարացնել ՌԴ-ի կողմից Ադրբեջանին «Սոնցեպյոկ»-երի, «Սմերչ»-երի, T-90 տանկերի մատակարարումները:

Այդ ժամանակ ինձ համար ակնհայտ էր, որ այդ զենքերը մատակարարվում են, որ վաղը, մյուս օրը կրակեն մեր զինվորների համար: Իսկ պատգամավորները դա արդարացնում էին՝ ասելով, թե դա բիզնես է: Այդ մարդիկ ավանսով մեր զինվորներին սպանող զենքերը բիզնես էին համարում:

Ակնհայտ է, որ այս ամենը իրենից ներկայացնում է մի յուրատեսակ երեւույթ, որը պատմության մեջ հավերժ կմնա որպես քաղաքական ստրկության ամենավառ օրինակներից մեկը»,- իր խոսքն ամփոփեց ՔՊ-ական պատգամավորը:

Տպել
Ամենաշատ