Դեկտեմբերի 3-ից ՆԳՆ ոստիկանության Շենգավիթի բաժնի կողմից որպես անհետ կորած որոնվում էր 1988 թ. ծնված Աննա Հայրապետյանը: 

Դեկտեմբերի 6-ին ՆԳՆ ոստիկանության օպերատիվ կառավարման կենտրոն զանգած քաղաքացին հայտնել էր, որ Արին-Բերդի փողոցի հասցեներից մեկում կին կա: 

ՆԳՆ ոստիկանության Էրեբունու բաժնից նշված հասցե մեկնած օպերատիվ խումբը պարզել է, որ նա Շենգավիթի բաժնի կողմից որպես անհետ կորած որոնվող Աննա Հայրապետյանն է:

Կազմված փաստաթղթերը փոխանցվել են ՆԳՆ ոստիկանության Շենգավիթի բաժին: