Ալեքսեյ Նավալնին և նրա թիմը կոչ են արել նախագահական ընտրություններում քվեարկել Վլադիմիր Պուտինի դեմ։ Այս մասին ասվում է Նավալնիի բլոգում արված գրառման մեջ։
«Նախագահական ընտրությունները տեղի կունենան 2024 թվականի մարտի 17-ին. Այս օրը կոչ ենք անում բոլորին գալ ընտրատեղամասեր և քվեարկել Վլադիմիր Պուտինի դեմ։ Դա կարելի է անել ցանկացած այլ թեկնածուի անվան դիմաց նշան անելով»,- ասացին նրանք:
Քաղաքական գործչի համախոհները հայտարարել են նաև Պուտինի դեմ արշավ սկսելու մասին։ Նրանք բացել են «Ռուսաստանն առանց Պուտինի» կայքը, որտեղ ասվում է, որ «յուրաքանչյուր ակտիվ քաղաքացի» նախագահական ընտրություններից առաջ առաջիկա 100 օրվա ընթացքում «պետք է դնի մի պարզ նպատակ՝ համոզել առնվազն 10 մարդու դեմ դուրս գալ Պուտինին»։
«Անկասկած, մեզ սպասվում է ընտրական ընթացակարգի պարոդիա։ Իսկ վերջնական արդյունքները, ինչպես միշտ, կկեղծվեն։ Բայց ցանկացած ընտրություն, նույնիսկ ամենակեղծը, մտածելու ժամանակ է: Մարդիկ մտածում են, թե ով է իշխանությունը և ինչու է նա այնտեղ։ Ռուսական ընդդիմության գերխնդիրը, բոլոր ազնիվ քաղաքացիների գերխնդիրը այս կասկածներին ողջ ուժով պատասխանելն է։ Քարոզեք, բացատրեք, որ 24 տարի իշխանության ղեկին գտնվող 71-ամյա Պուտինը 6 տարի էլ չպետք է մնա։ Նա կվնասի Ռուսաստանին: Նա պետք է հեռանա»,- ասվում է Նավալնիի բլոգում։
