Եվրոգոտին նշում է 25-ամյակը, տեղեկացրել է Euronews-ը։

Շամպայնի խցաններ թռան, փուչիկներ արձակվեցին երկինք, երբ Եվրամիությունը 1999թ. հունվարի 1-ին տոնեց միասնական եվրոպական արժույթի գործարկումը։

1998թ. մայիսին Եվրամիության ղեկավարները նշեցին տասնմեկ երկրներ, որոնք միավորելու էին իրենց արժութային համակարգերը։

Այդ 11 անդամ երկրներն իրականում եվրոյի անցան միայն 2002թ., բայց 1999թ. հունվարի 1-ին պաշտոնապես ստեղծվեց միասնական արժութային միությունը։ Այդ ժամանակվանից ԵՄ-ին միացան այլ պետություններ, եւ այժմ եվրոգոտու մեջ են մտնում 20 երկրներ։ Մոտ 340 մլն մարդ այսօր ապրում է եվրոգոտում։