Մեծ Բրիտանիայի կառավարությունը երեկ հայտարարել է նոր՝ 400 մետրանոց գոտիների ստեղծման մասին, որոնց տարածքում արգելվելու է անօդաչու թռչող սարքերի թռիչքները բանտերի վրայով, հայտնում է AFP-ն։
Այս կերպ բրիտանական իշխանությունները ցանկանում են պայքարել թմրանյութերի ու բջջային հեռախոսների մաքսանենգության դեմ։
Ներդրված կանոնները խախտողներին կարող է սպառնալ մինչև 10 տարվա ազատազրկում։
Կառավարությունը հույս ունի, որ այդ միջոցները «լուրջ հարված կհասցնեն հանցավոր խմբավորումներին»: