Չինաստանը դատապարտում է արտադրական շղթաների քայքայումը միակողմանի ապրանքային պատնեշներով եւ ԱՄՆ-ին կոչ անում պահպանել շուկայական տնտեսության ու ազնիվ մրցակցության սկզբունքները։ Այս հայտարարությունն արվել է Չինաստանի ԱԳՆ պաշտոնական ներկայացուցիչ Մաո Նինի ճեպազրույցում, նա մեկնաբանել է չիպերի արտահանման ԱՄՆ սահմանափակումները։
«Շուկայի արհեստական բաժանումը, արտադրական-սպառողական շղթաների գլոբալ համակարգի կայունության փլուզումը եւ նորարարությունների արդյունավետության ու զարգացման խոչընդոտումը չեն նպաստում ամբողջ ճյուղի առողջ զարգացմանը եւ ազնիվ մրցակցությանը»,- նշել է Չինաստանի ԱԳՆ պաշտոնական ներկայացուցիչը։
