News
Լրահոս
News
Կիրակի
Ապրիլ 21
Տեսնել լրահոսը


Ուսանողներին կանչեք, թող գան ու տեսնեն՝ ինչպիսին չպետք է լինի քրեական գործը։ Այս մասին այսօր՝ փետրվարի 27-ին, ԱԺ «Հայաստան» խմբակցության պատգամավոր Լեւոն Քոչարյանի եւ «Դիմադրություն» շարժման մասնակից Սերգեյ Ասատուրովի գործով նախնական դատական նիստի ժամանակ իր խոսքում ասաց Լեւոն Քոչարյանը:

Դիմելով դատավորին, նա ասաց. «Գործը ձեզ է մակագրվել, չեմ կարծում՝ որեւէ դատավոր ուրախ կլիներ այս գործն ունենալ, բայց ունենք այն, ինչ ունենք: Դատավորն ու դատախազը չեն սիրում, երբ իրավականից դուրս ինչ-որ քննարկում է ծավալվում: Գիտեք, այս դեպքում շատ դժվար է մնալ զուտ իրավականի մեջ։ Եթե լինեինք իրավականի մեջ ես այստեղ չէի լինի: Ես հասկանում եմ, որ դատախազներն ուզում են զուտ իրավական պրոցես ցույց տան, բայց գործի էությունը քաղաքական է, ինչքան էլ արգելեք դրա մասին խոսել: Ես այստեղ չէի լինի եթե չլիներ քաղաքական կոմպոնենտ, եկեք ոչ մեկին հիմարի տեղ չդնենք:

Դրա համար չենք կարող ամբողջությամբ քաղաքական պրոցեսի ծնունդը դիտարկենք զուտ իրավական տեսանկյունից: Ես չէի կարող հայտնվել այստեղ այդքան տեսանյութերի առկայության պայմաններում, չէի կարող ես այստեղ հայտնվել սուտ ցուցմունքների հիման վրա: Չէի կարող ես այստեղ լինել այն պարագայում, որ պաշտոնական վիճակագրությամբ մեր երկրում հանցագործություններն աճում են, այս մարդիկ դրանով պետք է զբաղված լինեին, բայց հարկատուների միջոցները մսխում են այսպիսի իմաստազուրկ գործերի վրա, այնքան որ քաղաքական հակառակորդների վրա ճնշում բանեցնեն: Հիմք բողոքում եք դրանից, բողոքում եք՝ չբերեիք այս գործը դատարան»,-ասաց Լեւոն Քոչարյանը:

Անդրադառնալով բուն գործին, պատգամավորն ասաց, որ այս ամբողջ ընթացքում ոչ ոք իրեն չի հարցրել այն հանգամանքի մասին, որը դրված է մեղադրանքի հիմքում. «Ինչու էի ես քայլում դեպի ոստիկանները: Որովհետեւ իրենք չեն ուզում իմանալ՝ ինչ է եղել: Իրենք շատ լավ գիտեն՝ ինչ է եղել, բայց դա իրենց հետաքրքիր չէ: Իրենց խնդիրը ինձ փակ պահելն է եղել: Հետո դուրս եկա, եթե այդպես չլիներ, ես մինչեւ հիմա կալանքի տակ էի լինելու եւ այստեղ ուրիշ հարց էր քննարկվելու:

Մեր ընտանիքն արդեն 5 տարի է՝ անցնցում է այս ամենի միջով, սովոր ենք: Սա հստակ քաղաքական հետապնդում է: Չգիտեմ՝ զուգադիպություն է, թե ոչ, նիստը նշանակվում է երեքշաբթի ժամը 1-ին: Դա այն օրն է, երբ հորս հետ կապված  մի քանի տարի շարունակ նիստեր են նշանակվել: Հավատում եմ, որ զուգադիպություն է, ուղղակի հետաքրքիր զուգադիպություն է»,-ասաց նա:

Հիշեցնենք, որ Լեւոն Քոչարյանը նախորդ տարվա սեպտեմբերի 22-ին Երեւանում ընդդիմության ակցիայի ժամանակ էր բերման ենթարկվել, ավելի ուշ նրան մեղադրանք առաջադրվեց ոստիկանի նկատմամբ բռնություն գործադրելու համար, թեեւ միջադեպը ֆիքսած տեսախցիկներում առկա տեսագրություններում ոստիկաններն իրեն են հարվածել: Լեւոն Քոչարյանը նույն օրն էլ ձերբակալվել, ապա կալանավորվել է 1 ամիս ժամկետով։ Նա ազատ արձակվեց մի քանի ամիս անց միայն պատգամավորական մանդատը ստանալուց հետո։

Լեւոն Քոչարյանի փաստաբանները պնդում են, որ իրենց պաշտպանյալը որեւէ հակաիրավական գործողություն չի արել, եւ, որ սա քաղաքական հետապնդում է նրա նկատմամբ։

Նախաքննության ընթացքում փաստաբանները միջադեպից պարբերաբար տեսանյութեր են հրապարակել։ Օրինակ՝ տեսանյութերից մեկում երեւում է, որ Հրաչիկ Խաչատրյանը Լեւոն Քոչարյանի նկատմամբ խեղդելու հնարքով բռնություն է գործադրում, մյուս դրվագում Լեւոն Քոչարյանին ավտոմեքենայում ծեծի են ենթարկել։ Փաստաբանը պատմել են, որ երբ Լեւոն Քոչարյանը բերման է ենթարկվել ոստիկանական բաժին, նա խնդրել է բժշկական զննություն, սակայն մոտ կես ժամ իրավապահները մերժել են խնդրանքը։

Չնայած հրապարակված տեսագրություններին նախաձեռնվել է քրեական վարույթ Լեւոն Քոչարյանի եւ Սերգեյ Ասատուրովի նկատմամբ՝ ՀՀ ՔՕ 452-րդ հոդվածի 3-րդ մասով (Պաշտոնատար անձի օրինական ծառայողական կամ քաղաքական գործունեությանը միջամտելը)։

!
Այս նյութը հասանելի է նաև   Русский
Տպել
Կարդացեք նաև
Ամբողջը
Երևանում տղան կտրել է մոր վիզը և գնացել ու նետվել Կիևյան կամրջից. երկուսն էլ մահացել են
Մինչ դեպքի վայրում աշխատել է քննչական խումբը, ոստիկանության Մաշտոցի բաժին օպերատիվ տեղեկություններ...
Երևանի կենտրոնում բախվել են «Mercedes ClS 53»-ն ու «Opel»-ը․ Վերջինիս շարժիչը պոկվել, շպրտվել է․ կա 4 վիրավոր
Քննիչի հանձնարարականով ավտոմեքենաները տեղափոխվում են ՊԾ Երևան քաղաքի գնդի պահպանվող հատուկ տարածք...
Երևանի կենտրոնում բախվել են «Mercedes ClS 53»-ն ու «Opel»-ը․ Վերջինիս շարժիչը պոկվել, շպրտվել է․ կա 4 վիրավոր
Քննիչի հանձնարարականով ավտոմեքենաները տեղափոխվում են ՊԾ Երևան քաղաքի գնդի պահպանվող հատուկ տարածք...
Երևանում բախվել են հիվանդ տեղափոխող շտապօգնության ավտոմեքենան ու «КамАЗ»-ը
Ըստ նախնական տեղեկությունների վթարի հետևանքով,  բարեբախտաբար, տուժածներ չկան»»»
Երևանի դպրոցներից մեկում 14-ամյա երեխան օդաճնշիչ ատրճանակով կրակել է 15-ամյա երեխաների վրա
Դեպքի փաստով ոստիկանության Էրեբունու բաժնում կազմվել են փաստաթղթեր, որոնք փոխանցվել են ՀՀ...
38-ամյա որդին սպնել է հորը. Նա դանակի մի քանի հարված է հասցրել. որդուն գտել են հարևան գյուղում
Մինչ ոստիկանները կժամանեին դեպքի վայր, «Էջմիածին» բժշկական կենտրոնից ոստիկանության Վաղարշապատի բաժին ահազանգ է ստացվում, որ «կտրած-ծակած...
Ամենաշատ