Հնդկաստանի ՌԾՈւ-ն եւ թմրանյութերի դեմ պայքարի գրասենյակը համատեղ գործողության շրջանակում բռնագրավել են 3,3 տոննա մաքսանենգ թմրանյութ։ Այս մասին տեղեկացրել է ՌԾՈւ մամուլի ծառայությունը։

«Հնդկաստանի ՌԾՈւ-ն Թմրանյութերի դեմ պայքարի գրասենյակի հետ համատեղ կալանավորել է կասկածելի նավ, որը տեղափոխում էր 3,3 տոննա մաքսանենգ թմրանյութ (ավելի քան 3 տոննա հաշիշ, 158 կիլոգրամ մետամֆետամին եւ 25 կիլոգրամ մորֆին)։ Սա վերջին տարիներին ամենամեծ խմբաքանակն է՝ մաքսանենգ ապրանքի ծավալի առումով»,- նշվել է ՌԾՈւ հայտարարությունում։

Բռնագանձումը տեղի է ունեցել երեքշաբթի, չի նշվել, սակայն, թե որ ծովի ջրավազանում է հայտնաբերվել նավը։ Գործողությունն սկսվել է այն բանից հետո, երբ ՌԾՈւ Boeing P-8 Poseidon պարեկային հականավային ինքնաթիռը նկատել է կասկածելի նավը։

Անձնակազմը հանձնվել է իրավապահ մարմիններին, որոշ տվյալներով՝ խոսքը անունը չնշված պետության հինգ քաղաքացիների մասին է։ Բռնագանձված թմրանյութերի արժեքը գնահատվում է 120 մլն դոլար։ Թմրանյութերի դեմ պայրքարի գրասենյակը մտադիր է օրվա երկրորդ կեսին մամուլի ասուլիս կազմակերպել գործողության մասին։