Այն, որ Ադրբեջանը ձգտում է բանակցային գործընթացը տանել փակուղու ու դիմել ռազմական էսկալացիայի, դա մեզ համար ակնհայտ է, բայց խնդիրն այն է, որն մենք էլ փորձում ենք դա թույլ չտալ: Այս մասին NEWS.am-ի հետ զրույցում նշեց ԱԺ ՔՊ խմբակցության պատգամավոր Վահագն Ալեքսանյանը:
«Այստեղ հարց է, թե ում ինչ կհաջողվի: Մենք փորձում ենք ամեն ինչ անել, որ դա թույլ չտանք՝ գիտակցելով, որ Ադրբեջանը, եւ ոչ միայն Ադրբեջանը, փորձում են պրոցեսը տանել փակուղու ու թույլ չտալ խաղաղության պայմանագրի ստորագրումը: Մենք էլ փորձում ենք միջազգային հանրության հետ մեր ջանքերը ներդաշնակեցնելով այնպես անել, որ մեր տարածաշրջանում հասնենք խաղաղության»,-ասաց նա: