Հայաստանը ողջունում է բանակցությունների վերսկսումը: Այս մասին մարտի 1-ին Ազգային ժողովում ավանդական ճեպազրույցների ժամանակ ասաց ԱԺ պետաիրավական հարցերի մշտական հանձնաժողովի նախագահ, իշխող «Քաղաքացիական պայմանագիր» խմբակցության պատգամավոր Վլադիմիր Վարդանյանը։
«Սա չափազանց կարևոր է հետագա գործընթացների զարգացման տեսանկյունից»,- ասաց Վարդանյանը։
Իր հերթին իշխող կուսակցության խորհրդարանական խմբակցության քարտուղար Արթուր Հովհաննիսյանն ասաց, որ հայկական կողմը արդյունավետ է համարում բոլոր այն հարթակները, որոնց շրջանակներում ամրագրված սկզբունքները կհարգվեն ու կպաշտպանվեն։
