ԱՄՆ նախագահ Ջո Բայդենը հայտնել է, որ ԱՄՆ-ն կմիանա այն երկրներին, որոնք պատրաստվում են ապահովել օդով Գազայի հատված հումանիտար բեռների առաքումը։
Նա, սակայն, վրիպել է՝ խոստանալով օդային միջանցքով հումանիտար բեռներ ուղարկել Ուկրաինա։ «Առաջիկա օրերին ԱՄՆ-ն կմիանա Հորդանանի եւ այլ երկրների բարեկամներին, որպեսզի ապահովի բեռների առաքումն Ուկրաինա»,- ասել է նա։ ԱՄՆ նախագահը նկատի է ունեցել Գազայի հատված բեռների առաքումը, նշել են Սպիտակ տանը։
Բայդենը, մասնավորապես, նշել է այն ծանր պայմանները, որոնցում հայտնվել է Գազայի հատվածի պաղեստինցի ժողովուրդը Մերձավոր Արեւելքում հակամարտության սրումից հետո։ Նա նաեւ տեղեկացրել է, որ ԱՄՆ-ն մտադիր է աշխատել այդ թվում եւ ծովային միջանցքներ բացելու ուղղությամբ։ Նրա խոսքով՝ այժմ Գազայի հատված ուղարկվող օգնությունն անբավարար է։
