Մենք կտրականապես մերժում ենք Ֆրանսիայի Եվրոպայի և արտաքին գործերի նախարարության մարտի 8-ի հայտարարությունը, թե իբր Ադրբեջանում հարձակվում են խոսքի և մամուլի ազատության վրա, և անհիմն ձերբակալություններ են իրականացվում։ Այս մասին ասվում է Ադրբեջանի արտաքին գործերի նախարարության հայտարարության մեջ, հաղորդում են տեղական լրատվամիջոցները։

Գերատեսչությունում նշել են, որ Ֆրանսիան, իբր, կոպտորեն խախտում է մարդու իրավունքները։

«Ադրբեջանում հիմնարար իրավունքներն ու ազատությունները, ինչպես նաև ԶԼՄ ազատությունը լիովին ապահովված են»,- նշված է Ադրբեջանի արտգործնախարարության հայտարարությունումը, ինչն առնվազն ժպիտ է առաջացնում։

Ադրբեջանում մեկ օր առաջ զանգվածային ձերբակալություններ են տեղի ունեցել ընդդիմադիր Toplum TV առցանց հեռուստաալիքի խմբագրությունում, իսկ այսօր հայտնի է դարձել, որ լրատվամիջոցի համահիմնադիր Ակիֆ Գուրբանովը և նրա աշխատակիցներ Ռամիլ Բաբաևն ու Իլկին Ամրախովը կալանավորվել են 4 ամսով։