Փաշինյանի քաղաքականությունը խաղաղության չի տանում, 44-օրյա պատերազմը շարունակվում է լատենտ ձևով, նա հայտարարեց խաղաղության դարաշրջան, բայց բացեց հավերժական պատերազմի դարաշրջան. Այս մասին մարտի 12-ին լրագրողների հետ հանդիպմանն ասաց քաղաքական վերլուծաբան Արգիշտի Կիվիրյանը։
Նրա խոսքով՝ երբ Փաշինյանն ասում է, որ կարող է հեռանալ, եթե խնդիրն իր մեջ է, դա նշանակում է, որ հող է նախապատրաստում նոր ողբերգության, որպեսզի հետո ասի՝ պետք է հրաժարական տալու կոչ անեիք։
«Նիկոլ Փաշինյանը, ըստ էության, խոսում է Խորհրդային Հայաստանի մասին՝ հավելելով, որ այսպես կոչված անկլավները դրա մաս չեն կազմել՝ միաժամանակ վստահեցնելով, որ կփորձի վերադարձնել Արծվաշենը։ Բայց տեսնում ենք, որ Արծվաշենը չի վերադառնում, իսկ նա հանձնում է անկլավները։ Փաշինյանն առաջին անգամը չէ, որ խոսում է այս թեմայով։ Նա համապատասխան պայմանավորվածություններ ձեռք բերեց Արեւմուտքի հետ։
Ըստ Փաշինյանի՝ լավագույն դեպքում Հայաստանը պետք է պահպանի նախկին Հայկական ԽՍՀ տարածքները։ Սակայն Բաքուն արդեն օկուպացրել է այս տարածքի մի մասը, ցանկանում է միջանցք ստանալ Սյունիքով, իսկ Արծվաշենը չի վերադարձնում։ Այս դեպքում Փաշինյանը հույսը դնում է Արևմուտքի վրա, որն իրեն չի օգնի»,- հավելեց նա։
Կիվիրյանը նշեց, որ Հայաստանն իրականում պետք է պատրաստվի պատերազմի, թեև հայ հասարակության մեջ իշխանությունները միայն պատրանք են ստեղծում։
«Ադրբեջանը խաղաղություն կցանկանա միայն այն դեպքում, եթե հասկանա, որ հաջորդ պատերազմն իր համար աղետալի հետևանքներ կունենա»,- համոզմունք հայտնեց փորձագետը։
