Հայաստանի Պաշտպանության նախարարության N զորամասի շտաբի պետին կաշառք տալու մասին (3000 ԱՄՆ դոլար) օպերատիվ տեղեկությունների հիման վրա ՊՆ քննչական ծառայության հատկապես կարեւոր գործերի քննչական բաժնում քրեական գործ է հարուցվել:
Հայաստանի ՊՆ քննչական ծառայությունից NEWS.am-ին հայտնում են, որ քրեական գործը հարուցվել է նոյեմբերի 8-ին, ՀՀ քրեական օրենսգրքի 311 հոդվածի 3-րդ մասի 3-րդ կետով նախատեսված հանցագործության հատկանիշներով: Կատարվում է նախաքննություն:
Նշենք, որ ՊՆ N զորամասի շտաբի պետը 2011թ. նոյեմբերի 8-ին ձերբակալվել է ուսումնական զորամասի ժամկետային զինծառայողին մեկ այլ զորամաս տեղափոխելու համար կաշառք ստանալու կասկածանքով:
Քրեական գործի նախաքննությունը շարունակվում է:
ՊՆ-ն դեռ գաղտնի է պահում ձերբակալված շտաբի պետի ինքնությունը:
