SpaceX-ը հարյուրավոր լրտեսական արբանյակներից բաղկացած ցանց է կառուցում ԱՄՆ հետախուզական գործակալության հետ գաղտնի պայմանագրով, հայտնում է Reuters-ը՝ հղում անելով ծրագրին ծանոթ աղբյուրներին։
Ցանցը կառուցվում է SpaceX-ի Starshield բիզնես ստորաբաժանման կողմից՝ 1,8 միլիարդ դոլար արժողությամբ պայմանագրի շրջանակում, որը ստորագրվել է 2021 թվականին Ազգային հետախուզության վարչության (NRO) հետ, որը լրտեսական արբանյակներ է կառավարում, հայտնել են են աղբյուրները:
Ըստ աղբյուրների, հաջողության դեպքում ծրագիրը զգալիորեն կբարձրացնի հավանական թիրախները երկրագնդի գրեթե ցանկացած կետում արագ հայտնաբերելու ԱՄՆ կառավարության և բանակի կարողությունը:
Պայմանագիրը վկայում է հետախուզական ընտրախավի աճող վստահությունը մի ընկերության նկատմամբ, որի սեփականատերը հակամարտության մեջ է Ջո Բայդենի վարչակազմի հետ և վեճեր է առաջացրել ուկրաինական պատերազմում Starlink արբանյակային կապի օգտագործման առիթով, ասել են աղբյուրները:
The Wall Street Journal-ը փետրվարին հայտնել էր անհայտ հետախուզական գործակալության հետ 1,8 միլիարդ դոլար արժողությամբ Starshield գաղտնի պայմանագրի գոյության մասին՝ չմանրամասնելով ծրագրի նպատակները: