Մոսկվայի Բասմանյան դատարանը մարտի 24-ին ձերբակալել է «Կրոկուս սիթի հոլի» ահաբեկչության մեջ մեղադրվող չորս անձնաց։
32-ամյա Դալերջոն Միզրոեւը, 30-ամյա Ռաչաբալիզոդա Սաիդաքրամի Մուրոդալին, 25-ամյա Շամսիդին Ֆարիդունին եւ 19-ամյա Մուհամադսոբիր Ֆայզովը կալանքի տակ են վերցվել 2024թ. մարտի 22-ին, տեղեկացրել է Lenta.ru-ն։
Քրեական գործով անցնողներին դատարան են տարել ուշ երեկոյան։ Նրանց ներկայացվել է ահաբեկչության մեղադրանք (ՌԴ Քր. օր. 205 հոդվածի 3-րդ մաս)։ Նրանց սպառնում է ցմահ ազատազրկում։
Դատարանը յուրաքանչյուրի համար խափանման միջոցն ընդունել է դռնփակ։
Գործով անցնող առաջին անձը՝ Տաջիկստանի քաղաքացի Դալերջոն Միրզոեւը, դատարանում ընդունել է մեղքը։
Երկրորդը՝ Ռաչաբալիզոդա Սաիդաքրամի Մուրոդալին, Ռուսաստանում գրանցում ունենալու մասին հարցին պատասխանել է, որ գրանցված է, բայց չի հիշում որտեղ։ Նա եւս ընդունել է մեղքը։
Երրորդը՝ Տաջիկստանի քաղաքացի Շամսիդին Ֆարիդունին, պաշտոնապես գրանցված էր որպես բանվոր գործարանում։ Գրանցված է Կրասնոգորսկում։
Վերջին մեղադրյալին՝ Մուհամադսոբիր Ֆայզովին դատարան են հասցրել սայլակով եւ բժշկական խալաթով։ Նա աշխատել է վարսավիր Իվանովոյում, որտեղ էլ գանցված է եղել։