Վրաստանի խորհրդարանի այսօրվա նիստն սկսվել է բախմամբ, տեղեկացրել է Վրացական Առաջին ալիքը։
«Մոկալակեեբի» կուսակցության պատգամավոր Ալեկո Էլիսաշվիլին նիստում մեկնաբանել է «Վրացական երազանքի» այսօրվա հայտարարությունը, որի համաձայն՝ «Վրացական երազանքը» օրենսդրական նախաձեռնություն է ներկայացնելու օտարերկրյա ֆինանսավորման թափանցիկության վերաբերյալ։
«Այդ օրենքի վերադարձը վիրավորանք է բոլորիս համար։ Այդ օրենքը ռուսական է»,- ասել է Էլիսաշվիլին։
Էլիսաշվիլու հայտարարությունն առաջացրել է խորհրդարանի մեծամասնության դժգոհությունը, ինչը վերաճել է դիմակայության։
Խորհրդարանի նախագահը պատգամավորներին կոչ է արել չօգտագործել «ռուսական օրենք» կապակցությունը։
«Դա հակառուսական քարոզչություն է, որը հիմա դուք վարում եք։ Ես թույլ չեմ տա հակավրացական քարոզչություն վարել։ Ես կանջատեմ յուրաքանչյուրի միկրոֆոնը, ով մեկ անգամ եւս կօգտագործի «ռուսական օրենք» տերմինը։ Վերջ տվեք հակավրացական քարոզչությանը։ Մի խաբեք վրացի ժողովրդին։ Անցած տարի հաջողեցրիք, այս տարի չի ստացվի»,- ասել է Պապուաշվիլին։
Շալվա Պապուաշվիլին դուրս է հրավիրել Ալեկո Էլիսաշվիլուն դահլիճից։