ՀՀ-ի առջեւ ՀԱՊԿ-ից դուրս գալու կամ ԵԱՏՄ-ի հետ հարաբերությունները վերանայելու պաշտոնական պահանջ չի դրվել։ Այս մասին լրագրողների հետ զրույցում ապրիլի 4-ին ասել է ՀՀ արտաքին գործերի փոխնախարար Վահան Կոստանյանը։
Մեկնաբանելով Հայաստանի վարչապետի, Եվրահաձնաժողովի նախագահի եւ ԱՄՆ պետքարտուղարի միջեւ կայանալիք հանդիպումը՝ նա նշել է, որ Երեւանն սպասում է, որ գործընկերներն աջակցություն կցուցաբերեն նաեւ կայուն տնտեսության զարգացման եւ բռնի տեղահանված ղարաբաղահայերի սոցիալ-տնտեսական խնդիրների լուծման մասով։