Մահմեդականների սուրբ Ռամադան ամսվա վերջին ուրբաթ օրը, որը համընկնում է Ղուդսի միջազգային օրվա հետ, Երևանում Իրանի Իսլամական Հանրապետության դեսպանատանը տեղի է ունեցել հանդիսավոր արարողություն, հայտնում է իրանական Miran Press հեռուստաալիքը։
Նշվում է, որ միջոցառմանը մասնակցել են Չինաստանի, Ռուսաստանի, Բրազիլիայի, Սիրիայի, Արաբական Միացյալ Էմիրությունների դեսպանները, Իրաքի դեսպանատան խորհրդականը, Հայաստանի արտաքին գործերի նախարարության և Մայր Աթոռ Սուրբ Էջմիածնի ներկայացուցիչներ, ինչպես նաև հայագիտական կենտրոնների զգալի թվով փորձագետներ, գիտնականներ և տարբեր սպեկտրի առաջատար քաղաքագետներ։
«Խոսելով Սիոնիստական ռեժիմի դերի մասին Մերձավոր Արևելքում անկայունություն և անապահովություն ստեղծելու գործում՝ Իրանի դեսպանն ասաց. «Այսօր մենք ականատես ենք այս ավերիչ դերին Կովկասում, երբ նրանք հրահրում և խրախուսում են միլիտարիզմն ու պատերազմը Հարավային Կովկասում՝ զենք ուղարկելով այս տարածաշրջան»,- գրում է աղբյուրը։
