Երեւանի Նիկոլ Աղբալյանի անվան թիվ 19 հիմնական դպրոցում նույնպես կեղծ ահազանգ է եղել ահաբեկչության մասին։ NEWS.am-ի հետ զրույցում դպրոցի փոխտնօրեն Մարիամ Հայրապետյանը պատմեց, որ լուրի մասին լսել է երեկոյան դպրոցի նախկին շրջանավարտներից մեկից։
«Առավոտյան 7։20 տնօրենն է տեղեկացրել ուսուցիչներին կեղծ լուրի մասին։ Ամեն դեպքում դասապրոցենը ընթացել է, բայց բացականեր եղել են։ 2 ժամ անց երբ արդեն կեղծ լուրերը տարածվել էին, ծնողների մի մասը եկել էին իրենց երեխաների հետեւից»,- ասաց դպրոցի փոխտնօրենը։
Նա հայտնեց, որ Ոստիկանության ու ԱԱԾ աշխատակիցներն են եկել դպրոց, ստուգումներ են անցկացրել ու հաստատել, որ լուրը կեղծ է։
«ԿԳՄՍ նախարարությունից տեղեկացրել են տնօրենին, որ դասապրոցեսը բնականոն հունով շարունակեն եւ անհանգստանալու կարիք չկա։ Այս ամենը խուճապ առաջացնելու նպատակով է արվել, քանի որ սա Կենտրոնի ամենամեծ դպրոցներից է»։