Հոնկոնգի Արժեթղթերի և ֆյուչերսների հանձնաժողովը (SFC) հավանություն է տվել Bitcoin և Ethereum կրիպտոարժույթների հիման վրա առաջին սպոտային  ETF-ների առևտրին: Այսպիսով, քաղաքը դարձավ Ասիայի առաջին իրավազորը, որը թույլատրեց նման ապրանքների առևտուրը:

Համապատասխան թույլտվություն է ստացել ChinaAMC (HK)  ընկերության Հոնկոնգի բաժինը։ Նման արտադրանքի թողարկման նրա գործընկերները կլինեն OSL Digital Securities Limited-ը և BOCI-Prudential Trustee Limited-ը:

Տարեվերջին China Asset Management-ի ակտիվները կազմել են  266 մլրդ դոլար։

Բիթքոինի գինը տարեսկզբից աճել է ավելի քան 60%-ով և մարտին հասել է ռեկորդային 73,8 հազար դոլարի: Այս ապրանքատեսակն արդեն շուրջ 12 մլրդ դոլարի ներդրումների ներհոսք է գրանցել։