Հարկային արտոնությունների պատճառով Հայաստանի բյուջեն 2024 թվականին չի ստանա 630 միլիարդ դրամ կամ ընթացիկ փոխարժեքով ավելի քան 1,5 միլիարդ դոլար։ Այս մասին ապրիլի 17-ին կայացած քննարկման ժամանակ ասել է տնտեսական գիտությունների դոկտոր Վարդան Բոստանջյանը։
«Ո՞ւմ են տրվել այս արտոնությունները: Բարձր տեխնոլոգիական ոլորտի ընկերությունների՞ն։ Ոչ։ Ընկերության, որը շշալցնում է ծորակի ջուրը»,- հավելել է նա:
Ըստ նրա՝ տնտեսություն, որպես այդպիսին, չկա։
«Ակտիվությունը պայմանավորված է նրանով, որ դրամական հոսք է գալիս Հայաստան, բայց դա զարգացում չէ։ Տնտեսության կառուցվածքը հետամնաց է, չկա արդյունաբերություն, չկա գյուղատնտեսություն»,- նշել է Բոստանջյանը։
Նա վստահ է, որ Հայաստանի իշխանությունները չեն հասկանում անվտանգության և տնտեսական զարգացման ոլորտների լրջությունը։
«Նրանք մեզնից օտարել են այն երկրներին, որոնք մեզ հետ համագործակցել են անվտանգության ոլորտում, և սպասում են աջակցություն այն տեղերից, որտեղ հայտարարություններից բացի ոչինչ չեն անում»,- եզրափակել է փորձագետը։
