![](img/news/81/84/66/default.jpg)
Չորեքշաբթի առավոտյան Ուկրաինայի հյուսիսում Չեռնիգով քաղաքի վրա հրթիռային հարձակման զոհերի թիվը հասել է 18-ի, հայտնում է Արտակարգ իրավիճակների պետական ծառայությունը։ Նախօրեին իշխանությունները հայտնել էին 17 զոհի մասին։
Առավոտվա դրությամբ, 18 մարդ զոհվել է, 77-ը՝ վիրավորվել (այդ թվում՝ չորս երեխա), երեք հոգու հաջողվել է փրկել փլատակների տակից, ասվում է հաղորդման մեջ։
Ռուսաստանը դեռևս չի մեկնաբանել Չեռնիգովի վրա կատարված հարձակումը, որի հետևանքով շենք է ավերվել։ Ուկրաինացի փրկարարները հայտնում են, որ այս շենքի ավերված հատվածի 71%-ն ապամոնտաժվել է։ Փրկարարական աշխատանքները շարունակվում են։