Թբիլիսիում ցույցի մասնակիցները եկել են Վրաստանի նախագահի նստավայր, որտեղ ծրագրել էին հանդիպել Սալոմե Զուրաբիշվիլիի հետ, սակայն հանդիպումը չի կայացել, հայտնում է վրացական Առաջին ալիքը։

Ավելի վաղ, նրանք հայտարարել էին, որ պատրաստվում են հարգանքի տուրք մատուցել նախագահին, այդ թվում՝ «օտարերկրյա գործակալների մասին» օրինագծի վրա վետո դնելու համար։

Այս պահին հանրահավաքի մասնակիցները շարժվում են դեպի «Վրացական երազանքի» գրասենյակ։