News
Լրահոս
News
Երկուշաբթի
Մայիս 27
Տեսնել լրահոսը

Հայաստանում բյուջետային ծրագրերի գնահատման գործընթացի ներդրման կարիք է առաջացել։ Այս մասին ապրիլի 22-ին Ազգային ժողովում «Բյուջետային համակարգի մասին» օրենքում փոփոխություններ և լրացումներ կատարելու մասին օրինագծի քննարկման ժամանակ ԱԺ ֆինանսավարկային և բյուջետային հարցերի մշտական ​​հանձնաժողովի նիստում ասաց ՀՀ ֆինանսների փոխնախարար Վահան Սիրունյանը։  

Ըստ փոխնախարարի, բյուջետային ծրագրերի արդյունավետությունը բարձրացնելու նպատակով նախատեսվում է ներդնել դրանց գնահատման կանոնավոր գործընթաց։ Այն մշակվել է Հայաստանի ֆինանսների նախարարության կողմից։

«ՀՀ վարչապետի 2022 թվականի ապրիլի 28-ի համապատասխան որոշման համաձայն, հաստատվել է պետական ​​բյուջեի ծրագրերի գնահատման գործընթացի ներդրման հայեցակարգ։ Թեև այն հաստատվել է, սակայն օրենսդրական մակարդակով այս ծրագիրն իրականացնելու համար անհրաժեշտ է սահմանել լիազորությունների կարգ, ըստ որի կառավարությունը իրավասու կլինի իրականացնել բյուջետային ծրագրերի գնահատման գործառույթները»,- ասաց Սիրունյանը։

Նոր օրինագծով նախատեսվում է սահմանել վերը նշված լիազորությունների կարգը։ Այսպիսով, կառավարությանը կտրվեն բյուջետային ծրագրերը գնահատելու լիազորություններ։ Այդ գործառույթներն իրականացնելու է ֆինանսների նախարարությունը՝ կառավարության սահմանած կարգով։ Այն իր հերթին կհաստատվի օրենքի ուժի մեջ մտնելուց երեք ամսվա ընթացքում։

«Այս գործընթացի ներդրումը կարևոր քայլ է ծրագրային բյուջետավորման ոլորտում բարեփոխումների համատեքստում։ Դա կօգնի բարելավել ծրագրերի արդյունավետությունը։ Գնահատման գործընթացը ներառում է ոչ թե վերահսկողական գործառույթ, այլ վերլուծական աշխատանք: Ֆինանսների նախարարությունը ֆինանսական և բյուջետային միջոցների մոնիտորինգի գործառույթները կփոխանցի Պետական ​​վերահսկողական ծառայությանը՝ փորձելով ավելի օպտիմալ կառավարել գործընթացը՝ կենտրոնացնելով այդ գործառույթները մեկ մարմնում»,- պարզաբանեց կառավարության ներկայացուցիչը։

Քննարկումներից հետո օրենսդրական նախաձեռնությունը դրական եզրակացություն ստացավլ մշտական ​​խորհրդարանական հանձնաժողովի կողմից։



!
Այս նյութը հասանելի է նաև   Русский
Տպել
Կարդացեք նաև
Ամբողջը
Հայաստանի օդանավակայաններում ուղևորահոսքը փոքր-ինչ նվազել է
Նշենք, որ Հայաստանի երկու օդանավակայաններում…
Էփրիքոթ Կապիտալը և Հայաստանում ֆրանսիական համալսարանը (ՀՖՀՀ) գործընկերության համաձայնագրով ամրապնդում են կապերը
Այս համագործակցությունն արտացոլում է Հայաստանի կրթական համակարգի, ապագա մասնագետների պատրաստման մեջ ներդրում ունենալու մեր հանձնառությունը...
Դոլարի եւ եվրոյի փոխարժեքներն աննշան աճել են. ռուբլին թանկացել է
ԱՄՆ դոլարի փոխարժեքն այսօր՝ մայիսի 24-ին, կազմել է…
Ստանդարտ սահմանել՝ նշանակում է թանկացնել ապրանքը, բայց թանկացնել ապրանքը, նշանակում է բարձրացնել դրա որակը. Փաշինյան
Ներկայացվել է, որ գործարանը ներառում է 2 հեկտար արտադրական տարածք՝ 2500 քմ պահեստային հատված, 1000 քմ սառնարանային տնտեսություն, 6000 քմ կաթի...
Արգենտինան ՀՀ ներդրումային կարևոր գործընկերներից է՝ 5-րդը մեր տնտեսության մեջ ներդրումների ծավալով. Պապոյան
Նախարարն իր ելույթում գոհունակությամբ նշել է, որ երկու երկրների միջև դիվանագիտական հարաբերությունների հաստատումից ի վեր հաջողվել է...
«Կանայք գյուղատնտեսությունում». ՖԻՆՔԱ Հայաստանի՝ կանանց կարողությունների զարգացմանն ուղված հերթական նախագիծը
ՖԻՆՔԱ միջազգային ցանցը այս տարի նշում է իր 25-ամյա հաջող գործունեությունը Հայաստանում...
Ամենաշատ