News
Լրահոս
News
Չորեքշաբթի
Մայիս 22
Տեսնել լրահոսը


Ներկայումս արտաքին դերակատարներն են մեծամասամբ ձևավորում ու իրենց վտանգավոր ազդեցությունն ունենում Հայաստանի միջազգային վարքագծի ու ներքին օրակարգի վրա։ Այս մասին այսօր՝ ապրիլի 22-ին, «Դիվանագետների համահայկական խորհուրդ» հասարակական կազմակերպության հիմնադիր դիվանագետների  ասուլիսում ասաց ՀՀ ԱԳ նախկին նախարար Արա Այվազյանը։

«Այս պայմաններում դիվանագիտությունն է, որ անխուսափելիորեն դառնում է մեր պետականության պաշտպանության առանցքային բնագիծը, ու մենք, որպես դիվանագետներ, որոնք կանգնած են եղել մեր արտաքին գերատեսչության ստեղծման ակունքներում, մեր ասելիքն ունենք:

Տևական ժամանակ մեզ ասվում է՝ այն արտաքին քաղաքականությունը, որն այսօր վարվում է, չունի այլընտրանք. այլընտրանքը պատերազմն է։ Մենք գտնում են, որ դիվանագիտական, քաղաքական միջոցներով կա այլընտրանք, որը հիմնված կլինի խորը վերլուծության, մեր մասնագիտական փորձի վրա: Առաջիկա օրերին Դիվանագետների համահայկական խորհուրդը կազմակերպելու է կլոր-սեղան քննարկում՝ ներկայացնելու օրակարգի ուրվագծերը»,- ասաց Արա Այվազյանը։

Նրա խոսքով, նույնիսկ ամենալավ, ամենաճիշտ ռազմավարության, արտաքին քաղաքանության  պարագայում, եթե չկա լայն հանրության աջակցություն, այդ քաղաքականությունը չի կարող լինել արդյունավետ։

«Եթե լայն սատարում, կոնսենսուս լինի, դիվանագիտությունը կարող է հանդես գալ ամուր դիրքերով, դառնալ բովանդակալից զրուցակից, խորացնել փոխշահավետ համագործակցությունը տարբեր դերակատարաների հետ, եթե ոչ, դիվանագիտությունը դառնում է  ներքաղաքական պայքարի անհեռատես, վնասակար, կործանարար գործիք»,- ընդգծեց նա:

!
Այս նյութը հասանելի է նաև   Русский
Տպել
Ամենաշատ
Ֆոտոռեպորտաժներ