Դատարանը մինչև հունիսի 18-ը կալանավորել է Շահին Աբբասովին, որը մեղադրվում է ավտոմեքենայի կայանման տեղի վերաբերյալ վեճի պատճառով 25-ամյա բայքեր Կիրիլ Կովալյովի սպանության մեջ։
«Ես չէի ուզում, բայց այդպես եղավ», - ասել է նա դատարանում:
Դատավարության ժամանակ քննիչն ասել է, որ Ռոստովի մարզ ընկած ճանապարհին, որտեղ Շահինն ու իր եղբայրները մտադրվել էին թաքնվել ոստիկանությունից, նրանց հաջողվել է ևս մի քանի հանցագործություն կատարել։ Դրանց իրավական գնահատականը կտրվի ավելի ուշ։
Աղմկահարույց սպանության մեջ մեղադրվող Շահինի հարազատները ցանկացել են նրան հանձնել ոստիկանություն, սակայն պարզվել է, որ նրանք փախել են»,- ասել է փաստաբանը։ Թե ինչպես է դա տեղի ունեցել, նա չի մանրամասնել։
Խուլիգանական դրդումներով մի խումբ անձանց կողմից կատարված սպանության համար Շահինին և նրա ավագ եղբորը, որը եղել է ողբերգության վայրում, սպառնում է մինչև 20 տարվա ազատազրկում։ Առաջիկայում գործով մյուս մեղադրյալների նկատմամբ խափանման միջոց կընտրվի։
Դատարանում հայտնի է դարձել, որ Ադրբեջանի քաղաքացի Շահին Աբբասովն աշխատել է ոչ պաշտոնապես։ Նա Ռուսաստանում է եղել ապօրինի, գրանցված է Ադրբեջանում։
Ինչպես հայտնում է Shot տելեգրամյան ալիքը, այժմ ստուգվում է Աբբասովների կոշիկի բիզնեսը։ Ըստ Քննչական կոմիտեի՝ ապօրինի սխեմայի մեջ ներգրավված է եղել ողջ ընտանիքը։ Նրանց գրավադրված բնակարանում, որտեղ ապրում էր Աբբասովների ընտանիքը, հայտնաբերել են խոշոր գումար՝ ավելի քան 44 միլիոն ռուբլի և 300 հազար դոլար։