News
Լրահոս
News
Կիրակի
Մայիս 26
Տեսնել լրահոսը

2024 թվականի ապրիլի 20-ին հաղորդում է ստացվել այն մասին, որ նախօրեին՝ ժամը 21։45-ին, «Էջմիածին» ԲԿ «կտրած-ծակած վերքեր» ախտորոշմամբ բուժօգնության է տեղափոխվել Արմավիրի մարզի Գեղակերտ բնակավայրի 62-ամյա բնակիչ, ով ժամեր անց, գիտակցության չգալով, մահացել է:

Նույն օրը՝ ժամը 22։10-ին, նույն բնակավայրի բնակչից ոստիկանության Վաղարշապատի բաժնում հաղորդում է ստացվել այն մասին, որ 2024 թվականի ապրիլի 19-ին՝ ժամը 21։00-ի սահմաններում, իրենց տանը իր 38-ամյա եղբայրը, կենցաղային հարցերի շուրջ ծագած վիճաբանության ընթացքում, խոհանոցային դանակով հարվածել է հորը՝ հիվանդանոց տեղափոխված վերոհիշյալ 62-ամյա տղամարդուն՝ պատճառելով մարմնական վնասվածք:

Դեպքի առթիվ ՀՀ քննչական կոմիտեի Արմավիրի մարզային քննչական վարչության Վաղարշապատի քննչական բաժնում, ՀՀ քրեական օրենսգրքի 155-րդ 2-րդ մասի 9-րդ կետի հատկանիշներով (սպանությունը՝ կատարված մերձավոր ազգականի կողմից), նախաձեռնվել է քրեական վարույթ:

Քննությամբ պարզվել են դեպքի էական մի շարք հանգամանքներ, այդ թվում՝ շարժառիթը:

Նախնական տվյալներով՝ դեպքի օրը տուժողի և նրա որդու միջև ընտանեկան, անձնական հարցերի շուրջ ծագած տարաձայնությունները վեր են ածվել վիճաբանության, որի ժամանակ վերջինս, վերցնելով խոհանոցային դանակը, մոր ներկայությամբ, հարվածներ է հասցրել հոր կրծքավանդակի աջ հատվածին՝ պատճառելով կյանքի հետ անհամատեղելի մարմնական վնասվածքներ և դիմել փախուստի:

Նախաքննության ընթացքում կատարվել է դեպքի վայրի զննություն, որի ընթացքում հայտնաբերվել է հանցագործության գործիք խոհանոցային դանակը՝ արնանման հետքերով։ Նշանակվել են դիակի դատաբժշկական, դատակենսաբանական, դատահետքաբանական փորձաքննություններ, հարցաքննվել են մի շարք անձինք։

Իրականացված քննչական, օպերատիվ-հետախուզական և օպերատիվ-որոնողական միջոցառումների արդյունքում ենթադրյալ հանցագործություն կատարած անձը՝ տուժողի որդին, հայտնաբերվել և, հանցանք կատարած լինելու անմիջականորեն ծագած կասկածի հիմքով, ձերբակալվել է։

Ձեռք բերված բավարար փաստերի հիման վրա՝ 38-ամյա տղամարդուն մեղադրանք է ներկայացվել՝ ՀՀ քրեական օրենսգրքի 155-րդ 2-րդ մասի 9-րդ կետով: Միջնորդություն է ներկայացվել դատարան՝ նրա նկատմամբ կալանավորումը որպես խափանման միջոց կիրառելու վերաբերյալ, որը բավարարվել է:

Նախաքննությունը շարունակվում է, որի շրջանակներում կատարվում են ապացուցողական և վարութային գործողություններ:

Ոստիկանության համապատասխան ստորաբաժանմանը տրվել են հանձնարարություններ:

Տպել
Կարդացեք նաև
Ամբողջը
Bloomberg. Ֆիցոյի վրա կրակողը դժգոհ էր Ուկրաինայի հարցում նրա դիրքորոշումից
Դատարանի փաստաթղթից ստացված տեղեկատվության համաձայն՝ 71-ամյա Ցինտուլան իրավապահներին ասել է, որ...
Ասկերանի քաղաքապետը պետական մարմին է ներկայացրել կեղծ տվյալներ պարունակող փաստաթղթեր․ ՔԿ-ն մանրամասնում է
Դրանից հետո՝ 2024թ․ հունվարի 23-ին, առանց օրինական հիմքի, հանդես գալով որպես պայմանագրի կողմ, կնքել է տրանսպորտային միջոցի նվիրատվության...
Ֆեյսբուքում գրառում կատարելու համար ձերբակալվել է Տաթև Մուրադյանը. Փաստաբան
Այսօր ստացել եմ Թաթուլ Ասիլյանի վերաբերյալ  ուղարկածս հանցագործության...
Երևանում 8-ամյա երեխան 2-րդ հարկի պատուհանից ցած է ընկել․ նրան տեղափոխել են հիվանդանոց
Դեպքի փաստով ոստիկանության Նոր Նորքի բաժնում կազմվել են փաստաթղթեր, որոնք փոխանցվել են ՀՀ Քննչական կոմիտեի Երևան քաղաքի քննչական վարչության...
Ժամը 16:00-ի դրությամբ, ոստիկանության հատուկ տարածքներ են տեղափոխվել 72 մեքենա, որոնց ղեկին եղել են անչափահասներ
«Վերջին զանգի» միջոցառումների անվտանգության ապահովման նպատակով…
Անձը, փաստաթղթերի կեղծմամբ, խարդախությամբ, առերևույթ առանձնապես խոշոր չափերով հափշտակություն է կատարել. ՔԿ
2024 թվականի մայիսի 22-ին ՀՀ ՆԳՆ ոստիկանության ՔՈԳՎ-ից ստացված հաղորդման առթիվ  ՀՀ քննչական կոմիտեի ՀԿԳ քննության գլխավոր վարչության...
Ամենաշատ