Լիտվան Ուկրաինայի զինված ուժերին է փոխանցել M577 զրահափոխադրիչների խմբաքանակը, հայտնում է Լիտվայի պաշտպանության նախարարությունը։
Գերատեսչությունը նշում է, որ ի պատասխան Ուկրաինայի խնդրանքի՝ Լիտվան այս տարի արդեն փոխանցել է 155 մմ տրամաչափի զինամթերք, M577 զրահափոխադրիչներ, անօդաչու թռչող սարքերի խափանման սարքավորումներ, ռազմական հանդերձանք և տաք հագուստ ցուրտ սեզոնի համար, Carl Gustaf հրացանների զինամթերք և RISE-1 խելացի մեկնարկային համակարգ, էլեկտրական գեներատորներ, ապամոնտաժված թեթև ցամաքային օժանդակ L-39ZA Albatros ինքնաթիռ և այլ օգնություն:
«Ուկրաինային Լիտվայի երկարաժամկետ օգնությունը հասել է մեկ միլիարդ եվրոյի, իսկ ռազմական օգնությունը մոտ 610 միլիոն եվրո է։ Այս տարի արդեն տրամադրվել է մոտ 84 միլիոն եվրոյի օգնություն, նախատեսվում է շարունակել այդ դինամիկան»,- ասված է Լիտվայի պաշտպանության նախարարության տարածած հաղորդագրությունում։